RUTA POLO TAMBRE

Data: 29/01/2012
Destino: As torres - Ons - Rio Tambre
Kms: 42 km + ou -
Asistentes: Os do monte bravo, As Cabras, O Esquio no Piñeiro, etc... en total 13

As 9:30 puntualiños coma clavos, estabamos todos listos para facer a ruta de Brión. Os participantes fomos 13, a verdade non sei o nome de moitos co cal case mellor non nomear a ninguén. Había representación de varios clubs: Os do monte bravo, as Cabras tiran ó monte, o esquío no piñeiro, xente de Santiago, de Framan, de Negreira, etc… eso que en total 13…

Facía un frío de tres pares…. Segundo o conta de algún -1.80 ºC en parte do percorrido. Imos ó choio: Saímos da base de protección civil para comezar a subir cara a igrexa de Brión, por asfalto para chegar as Torres. É aquí onde comeza a ruta propiamente dita. Unha vez pasada a aldea de As Tores collese a esquerda por unha pista de terra que nos levará, culebreando por sendeiros anchos, ata a festa do Cabalo en Rañalonga. A verdade esta primeira parte fíxose algo pesada polo tema do asfalto e tamén por estar fríos e meterlle esta primeira subida.

Dende a finca da festa do cabalo, séguese por onde estaba o basureiro a dereita para seguir rodando por pistas forestais bastante cerradas ata chegar a aldea de Ons de abaixo onde fixemos a primeira parada para avituallamento líquido (na fonte de Ons) e tamén para as primeiras fotos.

Para min, a partir de aquí comeza o extasis da ruta… o cacho seguinte, o que vai dente Ons de Abaixo ata o local de Piragüismo, é impresionante, carballeiras pechadas con camiños completamente tapados polas follas, unha baixada rápida, non moi complicada, pero moi moi chula…

Chegados a este punto, primeira baixa, un dos participantes (síntoo non sei o nome) tivo que marchar e xusto canto cruzamos a estrada general para comezar a bordear o Tambre, a outro dos rapaces méteselle un pau no cambio e tamén amagou con deixarnos… , sorte que ao final non tivo que marchar.

Aproveitando estes pequenos incidentes fotos de rigor co Tambre como fondo, a verdade tendes que ver as vistas impresionantes que ten esta ruta….

Como vos digo, a partir de cruzar a estrada que vai a Negreira, comezase a bordear o Río Tambre. Neste punto e cando se nota que o perfil comeza a picar cara arriba, a partir de aquí xa vai ser todo subir... aínda que dunha maneira non demasiado intensa, ata chegar a aldea de Mato onde está o punto mais alto da ruta (non pensedes que é un pincho como o Rubial).

Case non me acordaba de que entre medias, hai un anaco impracticable, pero que merece moito a pena, é un camiño estreito e que hai que facer a pe (tan so son uns 200 metros), nunha zona de muiños abandonados e camiños estreitos... a verdade e que este cacho está guapísimo tamén.

Dende Mato imos a aldea de Vioxo de Arriba onde collemos o camiño que nos devolverá ao monte de Rañalonga, volvemos a zona da festa dos Cabalos e de novo ata as Torres... segundo dicían algúns deles, este ultimo tramo é o da primeira ruta dos esfola... pasamos por diante das Torres e continuamos pola baixa da ruta dos Esfola (a que está xunto a igrexa de Brión), dicir que dada a miña habilidade para facer descenso, probei terra, e non unha vez, senón dúas... jejeje, en fin que non pasou nada. Baixada pola coutada e chegada a Brión, onde xa nin sequera fixemos parada.

En fin... 3 horas e media de Btt nunha ruta que é impresionante e que lle recomendo a todo o mundo.

TEMOS QUE FACELA MAIS CABRAS.

Aqui tendes máis información:

Track
Galería de fotos